ഈ അധ്യയന വര്ഷം പത്താം ക്ലാസ്, പ്ലസ് ടു, വി എച്ച് എസ് സി പരീക്ഷകളില് മുഴുവന് വിഷയങ്ങളിലും എ പ്ലസ് നേടിയ മത്സ്യത്തൊഴിലാളി വികസന ക്ഷേമ സഹകരണ സംഘങ്ങളില് അംഗങ്ങളായതും മത്സ്യത്തൊഴിലാളി ക്ഷേമനിധി ബോര്ഡില് അംഗത്വമുള്ളതുമായ മത്സ്യത്തൊഴിലാളികളുടെ മക്കള്ക്ക് മികവ് വിദ്യാഭ്യാസ അവാര്ഡിന് അപേക്ഷകള് ക്ഷണിച്ചു. പ്ലസ് ടു പരീക്ഷയില് ഫിസിക്സ് സുവോളജി വിഷയങ്ങളില് ഉയര്ന്ന മാര്ക്ക് ലഭിച്ച വിദ്യാര്ഥികള്ക്ക് പ്രത്യേക അവാര്ഡ് നല്കും. അര്ഹരായ വിദ്യാര്ഥികളുടെ രക്ഷിതാക്കള് അപേക്ഷ, അര്ഹത തെളിയിക്കുന്ന സര്ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്പ്പുകള്, രക്ഷിതാവിന്റെ സംഘാംഗത്വം തെളിയിക്കുന്നതിനുള്ള സര്ട്ടിഫിക്കറ്റ്, വിദ്യാര്ഥിയുടെ രണ്ട് പാസ്പോര്ട്ട് സൈസ് ഫോട്ടോ സഹിതം മത്സ്യഫെഡ് ക്ലസ്റ്റര് പ്രോജക്ട് ഓഫീസില് ആഗസ്റ്റ് 15 ന് മുമ്പ് സമര്പ്പിക്കണം. ഫോണ് : 0497 2731308.